Til þín, Drottinn, kalla ég. Eldur hefur sviðið hagaspildur öræfanna og bálið eytt skógum merkurinnar. Jafnvel dýr merkurinnar beina til þín kveinstöfum sínum. Farvegir lækjanna eru þornaðir.

Jóel 1.19-20

Brann ekki hjartað í okkur meðan hann talaði við okkur?

Lúkas 24.32

Þegar aðkomumaður dvelur hjá ykkur skuluð þið ekki sýna ójöfnuð.

3. Mósebók 19.33

Kunnan gerðir þú mér veg lífsins.

Sálmarnir 16.11

Jesús Kristur segir:
Elskið óvini yðar, gerið þeim gott sem hata yður, blessið þá sem bölva yður og biðjið fyrir þeim er misþyrma yður!

Lúkas 6.27–28

Statt upp, skín þú, því að ljós þitt kemur og dýrð Drottins rennur upp yfir þér!

Jesaja 60.1

Eftir fyrirheiti hans væntum við nýs himins og nýrrar jarðar þar sem rættlæti býr.

2. Pétursbréf 3.13

Náð Drottins er ekki þrotin, miskunn hans ekki á enda, hún er ný á hverjum morgni, mikil er trúfesti þín.

Harmljóðin 3.22-23

Er ég aðeins Guð í nánd? segir Drottinn, en ekki Guð í fjarlægð?

Jeremía 23.23

Drottinn græðir þá sem hafa sundurkramið hjarta og bindur um benjar þeirra.

Sálmarnir 147.3