Guð er kærleikur og sá sem er stöðugur í kærleikanum er stöðugur í Guði og Guð er stöðugur í honum.

1. Jóhannesarbréf 4.16

Sáið réttlæti og uppskerið kærleika, brjótið land til ræktunar. Nú er tími til að leita svara hjá Drottni þar til hann kemur og lætur réttlæti rigna yfir yður!

Hósea 10.12

Gleymið ekki gestrisninni því að vegna hennar hafa sumir hýst engla án þess að vita.

Hebreabréfið 13.2

Trúin er fullvissa um það sem menn vona, sannfæring um þá hluti sem eigi er auðið að sjá.

Hebreabréfið 11.1

Jesús Kristur segir: Friður sé með yður. Eins og faðirinn hefur sent mig, eins sendi ég yður.

Jóhannesarguðspjall 20.21

Jesús kristur segir: Það er fullkomnað!

Jóhannesarguðspjall 19.30

Orðið er mjög nærri þér, í munni þínum og hjarta svo að þú getur breytt eftir því.

5. Mósebók 30.14

Sjöundi dagurinn er hvíldardagur, helgaður Drottni, Guði þínum. Þá skaltu ekkert verk vinna, hvorki þú, sonur þinn né dóttir, þræll þinn né ambátt, naut þitt né asni né neitt af búfénaði þínum né aðkomumaðurinn sem hefur hæli hjá þér í borg þinni.

5. Mósebók 5.14

Hjartans miskunn Guðs vors lætur upp renna sól af hæðum að vitja vor og lýsa þeim sem sitja í myrkri og skugga dauðans og beina fótum vorum á friðar veg.

Lúkas 1.78–79