Þú skalt elska Drottinn, Guð þinn, af öllu hjarta þínu, allri sálu þinni og af öllum mætti þínum.

3. Mósebók 6.5

Drottinn hersveitanna segir:
Sól réttlætisins mun rísa yfir ykkur, sem virðið nafn mitt, og vængir hennar færa lækningu.

Malakí 3.20

Drottinn Guð segir:
Ég mun leita þess sem villist og sækja hið hrakta,
binda um hið limlesta og styrkja hið veikburða.

Esekíel 34.16

Jesús Kristur segir:
Guðs ríki er meðal yðar.

Lúkas 17.21

Guð er oss hæli og styrkur.

Sálmarnir 46.2

Guð hefur hjálpað mér og því stend ég allt til þessa dags
og vitna bæði fyrir háum og lágum.

Postulasagan 26.22

Verið ekki hugsjúk um neitt heldur gerið í öllum hlutum óskir ykkar kunnar Guði með bæn og beiðni og þakkargjörð!

Filippíbréfið 4.6

Guð hefur sýnt mér að ég á engan að kalla vanheilagan eða óhreinan.

Postulasagan 10.28

Til þín, Drottinn, kalla ég. Eldur hefur sviðið hagaspildur öræfanna og bálið eytt skógum merkurinnar. Jafnvel dýr merkurinnar beina til þín kveinstöfum sínum. Farvegir lækjanna eru þornaðir.

Jóel 1.19-20

Brann ekki hjartað í okkur meðan hann talaði við okkur?

Lúkas 24.32